Sputnik Ўзбекистон

ФВВ қутқарувчиси Тошкентдаги ёнғинда одамларни қутқариш чоғида ҳалок бўлди

Бугун, 15 август куни соат 03:41 да ФВВга Тошкент шаҳар Учтепа тумани Қуйи Дархон маҳалласида жойлашган хонадонда ёнғин содир бўлаётгани ҳақида хабар келиб тушган.
Воқеа жойига Тошкент шаҳар ФВБ қутқарувчилари ва Республика махсус қутқарув батальони ходимлари етиб борган. Улар ёнаётган уйдан аҳолини эвакуация қилишди, бироқ капитан Бобурмирзо Пардаев ёнғинни ўчириш пайтида ҳалок бўлди.
Фавқулодда вазиятлар вазирлиги ҳалок бўлган қутқарувчининг оила аъзолари ва яқинларига чуқур ҳамдардлик билдирди.

1 октябрдан бошлаб авиа, темир йўл ва автобус чипталарига янги чегирмалар амал қила бошлайди.

Вазирлар Маҳкамаси қарор қабул қилди, унга кўра 1941–1945-йиллардаги уруш фахрийлари ва қатнашчилари, ногиронларнинг айрим тоифалари ва Чернобил АЭСидаги авариядан жабрланган шахслар темир йўл, ҳаво ва шаҳарлараро автобус транспортида бепул ёки имтиёзли юриш ҳуқуқига эга бўладилар. Айрим ҳолларда сафарлар сони бўйича махсус шартлар ва чекловлар кўзда тутилган.
2027-йилдан бошлаб имтиёзли йўл ҳақини рақамли форматга ўтказиш режалаштирилган: тегишли ҳуқуқлар "Ижтимоий карта" тизимида ҳисобга олинади ва ташувчилар имтиёзни олиш имконияти тўғрисидаги маълумотни автоматик равишда олишлари мумкин бўлади.
Имтиёзли йўл ҳақини молиялаштириш давлат бюджети ҳисобидан амалга оширилади.
Қарорнинг тўлиқ матнига ҳавола ушбу нашрнинг биринчи изоҳида бўлади.

Чинозда «Шармандали маҳалла» ва «Уятли хонадон» плакатларини илиш таклиф қилинди

Ижтимоий тармоқларда Чиноз тумани ҳокимлиги масъулининиг ободонлаштириш талабларига жавоб бермайдиган маҳаллалар ва уйларга «Уятли хонадон» ҳамда «Шармандали маҳалла» плакатларини илиш ҳақида гапираётган видеоси тарқалди.
Видеода бу каби чоралар орқали маҳаллаларни ободонлаштириш ишларини кучайтириш таклиф қилинган.
Шундан сўнг мазкур видео ижтимоий тармоқларда кенг муҳокама қилиниб, кўплаб фойдаланувчиларнинг танқидига сабаб бўлди.

Тошкентда талабани ўқишга тиклаш учун $700 сўраган декан ушланди

ИИВ маълумотига кўра, Тошкент тиббиёт академияси қошидаги техникум декани ўқишдан четлаштирилган талабани қайта тиклашни ваъда қилган.
Ушбу хизмат эвазига келишилган $700 олаётган вақтида декан қўлга олинган. Ҳолат юзасидан унга нисбатан жиноят иши қўзғатилди.

Зангиотада солиқчи, Бувайдада муҳандис пора билан ушланди

Тошкент вилоятининг Зангиота туманида солиқ инспекцияси ходими текширувда аниқланган камчиликлар учун 160 млн сўм жарима қўлламаслик эвазига $1000 олаётганда қўлга олинди.
Фарғона вилоятининг Бувайда туманида эса электр таъминоти корхонаси муҳандиси қуёш панеллари ўрнатиш бўйича тадбиркорга хўжалик субъектларини йўналтириш эвазига $5000 талаб қилиб, $1000ни олган вақтида ушланди.
Ҳар икки ҳолат юзасидан жиноят ишлари қўзғатилиб, тергов ҳаракатлари олиб борилмоқда.

Швейцария банки Гулнора Каримова иши бўйича 3 млн франк жаримага тортилди

Швейцария Федерал жиноят суди Женевадаги Lombard Odier хусусий банкини Гулнора Каримова билан боғлиқ пул ювиш иши бўйича 3 млн швейцария франки миқдорида жаримага тортди. Бу ҳақда Swissinfo хабар берди.
Суд хулосасига кўра, банк шубҳали молиявий операцияларнинг олдини олиш учун етарли назорат чораларини кўрмаган. Шунингдек, банкнинг собиқ ходими пул ювишда айбдор деб топилиб, шартли равишда 24 ойга озодликдан маҳрум қилинди.
Суд қарори билан Швейцариядаги 400 млн франкдан ортиқ активлар мусодара қилиниши белгиланди. Швейцария ва Ўзбекистон Каримова иши доирасида мусодара қилинган 313 млн долларни қайтариш бўйича икки келишув имзолаган.

Сурхондарёда давлат боғчаси мудираси пора олаётганда ушланди

Жарқўрғон туманида давлат мактабгача таълим муассасаси мудираси озиқ-овқат маҳсулотлари қабул қилинганини тасдиқлаб бериш эвазига тадбиркордан 14 млн сўм талаб қилган.
38 ёшли аёл келишилган маблағни олаётган вақтида тезкор тадбир давомида ашёвий далиллар билан қўлга олинган.
Ҳозирда ҳолат юзасидан жиноят иши қўзғатилиб, тергов ҳаракатлари олиб борилмоқда.

Уч хотини борлиги билан мақтанган қозоғистонлик блогер жаримага тортилди

Қозоғистон ИИВ унинг постларини қонунчиликка зид турмуш тарзини тарғиб қилиш деб баҳолаб, 86,5 минг тенге (қарийб 2,2 млн сўм) жарима қўллади.
Профилактик суҳбатдан сўнг блогер ижтимоий тармоқлардаги барча постларини ўчириб ташлади.